豬腳薑

  

一早去唐人街買定大量薑準薑醋給家嫂食,因為開刀生,所以遲啲煲都得,過咗三個星期左右就可以補身了,薑就越舊越好吃.

因為怕肥又怕膩,所以用我自己的方法,大家不妨試試.

豬腳要水煮去油過泠瀝乾備用,薑用白鑊烘乾.

醋加入水份令薑肉鬆化,醋亦不至膩口.

薑放好滾後以慢火煲半小時,第日放片糖,加入豬腳再煲半小時熄火.放涼到明天,再以慢火煮半小時,加雞蛋煮十分鍾,浸至入味.就大功告成啦!

通常我會先煲定一大瓦煲薑和醋,放幾星期,然後要吃的前一天,放一半落另個煲加豬腳和雞蛋.咁就好食又無咁肥囉.