六千蚊

  雖然身在澳洲,但一向都關心香港的情況,前日聽到香港政府財政報告,心裏直覺得係歷來最差的一份報告, 既無長遠計劃, 又解決不到目前民生問題. 實在不吐不快.

  想深一層,香港官員淨係想做好自己份工趕著退休,又點會有長遠的民生計劃丫,如果真係父母官,本着為人民服務咁就天下太平啦!

  做官都要有政治智慧,回望當年英國人的統治手段,懷柔政策.港人有生意做,有工開,有奮斗目標幾好,連英國人每年攞幾多錢返祖家都無所謂啦.可惜班奴才官跟咗鬼佬咁耐一啲都學唔到.而家仲成日分搞分化, 令到一個小小城市七國咁亂.

  香港出生的中下層居民是應先照顧, 因為他們確實為這個社會付出過. 由其是老弱社群. 香港人是沒有中國身份回國,享有國家社會福利.

  至於後來的新移民如果生活困難退一步仍有大陸身份可以回流國內,而且內地生活都越來越好. 其實有本事甚麽地方也可以生存,每年都有唔少外國移民回流啦.

聰明人會把複雜問題間單化,愚笨的人就把間單問題複雜化,先解決生活,再講民主吧. 是文明社會就係講 講 講 .講到人家信服你支持你,唔係打打罵罵就得. 個地方唔安定又點會繁榮呀.

再講:民主只是由人民去選出一個稱職的演員啫, 最重要其實係背後班政黨有咩着數利益去支持你, 到閣下上台就要向背後班政黨(不是人民) 有所交待囉, 美國是表表者, 西方世界,日本如是. 政客滿地都是. 曾幾何時真出個好領袖為人民為人類謀幸福的偉人呢.